تنويه
الأراء والأفكار التي تطرح في جميع منتديات الجالية سواء كانت من ضيوف المنتدى أو أعضاء الجالية أو أعضاء اللجنة التنفيذية لا تعبر عن موقف الجالية انما تعبر عن أصحابها فقط
نوفمبر 2024
| الإثنين | الثلاثاء | الأربعاء | الخميس | الجمعة | السبت | الأحد |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 |
احصائيات
هذا المنتدى يتوفر على 445 عُضو.آخر عُضو مُسجل هو abdolazeem فمرحباً به.
أعضاؤنا قدموا 1532 مساهمة في هذا المنتدى في 632 موضوع
ما أروعــــــــــك يا مريـــــــــــخ ...قــــــــول للزمان ارجع يا زمن
2 مشترك
صفحة 1 من اصل 1
ما أروعــــــــــك يا مريـــــــــــخ ...قــــــــول للزمان ارجع يا زمن
المنذر احمد بابكر الجمعة 05 أكتوبر 2012, 11:55 pm
المنذر احمد بابكر- عدد الرسائل : 396
تاريخ التسجيل : 02/06/2008
رد: ما أروعــــــــــك يا مريـــــــــــخ ...قــــــــول للزمان ارجع يا زمن
عصام همت السبت 06 أكتوبر 2012, 8:16 am
يا سلام يا استاذ منذر...زمن جميل تعالوا نوثق سويا هذا التاريخ العظيم نتمني مشاركه الاخوان المريخاب محمد كمال ...محمد صديق فرحات عمر ادريس الهادي محمد علي ..واسمحوا لي بان اشارك بهذا العمل المنقول عن العم شاخور
كان واحد من اظرف الشخصيات الرياضية في بلادنا
احبه الجميع بمختلف ميولهم والوانهم
كان ساخرا وحتي عند سخريته منك لا تحس بالغضب تجاهه
كان يعشق المريخ عشقا خرافيا
يعتبر اباً روحياً لكل مريخي ولم يزل ..
ذو عين فاحصة ونظرة قوية
ولم يرشح لاعب للمريخ الا وكان النجاح حليفه ..
اشتهر شاخور بالمواظبة على الحضور لنادي المريخ يومياً
من المغرب الى ما بعد العشاء على مر السنوات والاعوام .
من طرائفه انهم سالوه يوماً لماذا ياتي كل يوم للنادي
اليس هنالك اي مكان اخر يذهب اليه ؟
فاجابهم متحيراً انه يستغرب اين يذهب من لا ياتي لنادي المريخ !!
كان مشجعا ثم لاعبا واداري حتي اصبح رئيسا للمريخ
انه العم شاخور رحمه الله
الاسم : الحاج عبد الرحمن حسن الشاذلي
القب : حاج شاخور
تاريخ الميلاد : عام 1912م
الوظيفة : تاجر عيش
السكن : ودنوباوي
مسيرتة مع المريخ
لعب لفريق المريخ العظيم في خانة الجناح الايمن ،
تقلب في المناصب الادارية وكان من اشهر امناء الخزينة ،
ترأس المريخ مرة واحدة تحت الحاح واصرار اهل المريخ
وكانت فترته مليئة بالانجازات لفترة فاقت الستون عاماً
تقلد فيها الكثير من المناصب الادارية
حتى اعتزل العمل الاداري .
.
من طرائفه
هنالك كثير من النكات قيلت عنه ومنها :-
1 ـ في لقاء تلفزيوني على الهواء كان يستمع للمذيع فريد عبد الوهاب
وهو يستضيف الفنان المبدع محمد ميرغني
تغني محمد ميرغني باغنية »ارجوك يا نسيم روح ليه«
وطرب شاخور الذي كان يحب الحقيبة ويتمتع بصوت جميل
باداء محمد ميرغني واشاد به ،
وعندما علم بهلالية محمد ميرغني في نفس اللقاء تحول 180 درجة
وقال للحاضرين ده غنا ده
شوف الزول ده صاري وشه وبيرفس كيف ؟
2 ـ كان تاجر عيش مشهور وبما انه انصاري ومن ودنوباوي
كان السيد الصديق المهدي يكلفه ببيع انتاج العيش
ويتحدث معه بالتلفون كثيرا استلمنا كم ووردنا للبنك كم
وظنت حكومة عبود بعد مراقبة تلفونه انه يمول المعارضة
فاعتقل مع الزعماء الازهري وعبد الخالق والمحجوب ومبارك زروق
وارسلوا لجوبا حفيده نهاد شاخور .
قال عندما اعتقل بواسطة الكومر والبوليس
كان منزعج جدا وبعد ذهبوا لمنزل عبد الله خليل
فوجده لابس ومحضر شنطة »هاندباك« قال زي الماشي تمرين كوره ،
في المعتقل الزعيم الازهري قال ليه انت ما عندك ذنب
ولكن طالما جيت معانا تناضل معانا علشان نقلب الحكومة
هو طبعا باله في المريخ قال ليه نقلبها »باكورد«
فعلم الازهري ان فكره كوره وبعيد عن السياسة
3 ـ ذهب المريخ في رحلة رياضية بدعوة من نادي النصر
ورئيسه الامير عبد الرحمن بن سعود وشاخور رئيس البعثة
ومولانا احمد حسب الرسول من الاتحاد
ومعلوم الغيرة بين نادي النصر والهلال السعودي
الامير عبد الرحمن رفض ان يلعب المريخ مع الهلال السعودي
ووافق المريخ علي ذلك وانبسط الامير
واخذ البعثة وعلي رأسها شاخور وذهب بهم الي المسجد
الذي شيده وقال لشاخور شايف ما في هلال في المئذنة فقط شعار النصر
وخزنها شاخور وعند العودة وعندما ارادوا بناء مسجد المريخ
قال ليهم عايزين فتوى لوضع الهلال على المئذنة
اذا كان لا بد من ذلك نلغي فكرة بناء الجامع .
4 ـ طلب منه ناس النادي دعم لاعب العاب القوى
وقتها المرحوم حسن جبريل لانه رفع 150 كيلو جرام
قال ليهم والله لو رفع النادي ما بدخلها في الهلال لن ادعمه .
وكذلك عندما عبر كيجاب المانش قال ليهم
ما بهز شبكة الهلال ما عنده طريقة
وعندما هزم السباح ممدوح مصطفى من الهلال كيجاب سباح المريخ
واعتذر كيجاب بانه عضه كلب قال ليهم
وهو زعلان اصله سبح في البحر ولا في السلخانة .
5 ـ وعندما ضربت الطائرات الليبية الاذاعة ومنزل الصادق المهدي
قال الطيارات دي ما شافت استاد الهلال
رمت قنبلة في السنتر مش كانت ريحتنا .
6 ـ علم ان ابن اخيه الدنقل اصبح هلاليا فارسل اليه وسأله
هل انت صحي هلالابي فقال له نعم
وهنا قال شاخور طيب ما احسن تبقى كافر فد مرة .
7 ـ في الحكومة الائتلافية بين حزب الامة والاتحادي الديمقراطي وبقية الاحزاب رفعت الحكومة سعر السكر
وخرجت مظاهرات الطلاب مستنكرة الزيادة
واخرج الاتحاد الديمقراطي بيانا يرفض الزيادة بالتضامن مع الطلاب
وهنا قال شاخور »ناس الاتحادي ديل لاعبين في فريقنا ويشوتوا في قونا« .
8 ـ عندما خاض الهلال في عام 1987م المعارك الافريقية في كاس افريقيا
وكلما يهزم فريق يذهب المريخاب شفقانين ويقولوا لي شاخور
الهلال ده لو جاب كاس افريقيا وهو بالطبع احسن من كاسنا
ما حيخلونا نقعد في البلد يقول لهم اصبروا .
اجتاز الهلال يوفنتوس وكانون ياوندي وهم يقول لهم اصبروا
ولما وصل في النهائي مع الاهلي المصري قال ليهم »
الهلال يا دوب طار ما حيقدر على المصريين ديل
ربنا سبحانه وتعالى لما رسل موسى لم يقدر عليهم
وطلب دعمه باخيه هارون يعني رسولين وعصايه ما قدروا عليهم
يقدر عليهم الهلال« وفعلا جاء لاراش الحكم وكان ما كان.
9 ـ المريخ كان لاعب مع فريق اجنبي وكان جالس معاه واحد هلالابي
مجامل تمنى ان يهزم المريخ الفريق الاجنبي
فقال له انت ما هلالابي
كدي خلينا نسأل اخونا بدر عبد الخالق الداخل علينا ده .
بدر عبد الخالق قال لي عايز رأيي ولا امنيتي
قال ليه امنيتك بدر قال ليه
اتمنى ان احضر للماتش متأخر 5 دقايق
القي المريخ ماخد خمسة وكمال عبد الوهاب وبشارة طلعوهم معوقين .
10 ـ زاره صديق بالمنزل ولاحظ انه لابس شبشب لبني قال ليه »
لابس شبشب كحلي يا شاخور« قال ليه »اي لكن عافصه«.
11 ـ فريق ودنوباوي لعب ضد المريخ وهزمه واحد صفر
وكان وقتها ود نوباوي مزاحم الزهرة في الهبوط للدرجة الثانية
ومعروف ان معتصم ابو جميل زهراوي ،
ابو جميل حرش مشجعين قاموا بمظاهرة حتى منزل شاخور
وهي تردد »النجمة تحت الجزمة«
وخرج اليهم شاخور وعاد وقال للجماعة
الغريبة كلهم لابسين سفنجات وواحدين حفايه .
شدد شاخور على الفريق وهزم ودنوباوي في الدورة الثانية
هزيمة كبيرة نزل بعدها للدرجة الثانية
وبقيت الزهرة بالدرجة الاولى .
12 ـ توفيق دكه يرحمه الله تسجل بالمريخ وكانوا لا يلعبونه ولا يوضع في الاحتياطي فاحتج وطالب بشطبه من شاخور . شاخور قال ليه : ادينا كداراتنا وامشي ـ عوقت لينا لاعبينا بي كرعيك الشتر ديل.
بعض انجازاتة
انجازاتة كثيرة مع المريخ
ولكن اهمها هو وفي اواخر الخمسينيات وتحديدا في الاعوام 57/1958م
شعر وزير الاعلام والرياضة اللواء طلعت باهمية البنيات التحتية
وذلك استهدافا لتطور الرياضة فمنح المريخ دارا
في منطقة المسجد الحالى وقام عبد الرحمن شاخور بدفع الرسوم كاملة
وتم تسجيلها باسم المريخ
وفاتة
هذا الرجل العظيم ودعته جماهير المريخ قبل وفاته
في مهرجان بالاستاد ادخل العربة وطافت به في الاستاد
وهو يلوح للجماهير والجماهير تلوح له
والدموع تنهمر لهذا المشهد من الجميع
وتوفى بعدها بمدة بسيطة وظلت صورته محفورة في اذهان الرياضيين
مريخاب واهلة وكل الوان الطيف الرياضي ..
الا رحمه الله واسكنه فسيح جناته .
كان واحد من اظرف الشخصيات الرياضية في بلادنا
احبه الجميع بمختلف ميولهم والوانهم
كان ساخرا وحتي عند سخريته منك لا تحس بالغضب تجاهه
كان يعشق المريخ عشقا خرافيا
يعتبر اباً روحياً لكل مريخي ولم يزل ..
ذو عين فاحصة ونظرة قوية
ولم يرشح لاعب للمريخ الا وكان النجاح حليفه ..
اشتهر شاخور بالمواظبة على الحضور لنادي المريخ يومياً
من المغرب الى ما بعد العشاء على مر السنوات والاعوام .
من طرائفه انهم سالوه يوماً لماذا ياتي كل يوم للنادي
اليس هنالك اي مكان اخر يذهب اليه ؟
فاجابهم متحيراً انه يستغرب اين يذهب من لا ياتي لنادي المريخ !!
كان مشجعا ثم لاعبا واداري حتي اصبح رئيسا للمريخ
انه العم شاخور رحمه الله
الاسم : الحاج عبد الرحمن حسن الشاذلي
القب : حاج شاخور
تاريخ الميلاد : عام 1912م
الوظيفة : تاجر عيش
السكن : ودنوباوي
مسيرتة مع المريخ
لعب لفريق المريخ العظيم في خانة الجناح الايمن ،
تقلب في المناصب الادارية وكان من اشهر امناء الخزينة ،
ترأس المريخ مرة واحدة تحت الحاح واصرار اهل المريخ
وكانت فترته مليئة بالانجازات لفترة فاقت الستون عاماً
تقلد فيها الكثير من المناصب الادارية
حتى اعتزل العمل الاداري .
.
من طرائفه
هنالك كثير من النكات قيلت عنه ومنها :-
1 ـ في لقاء تلفزيوني على الهواء كان يستمع للمذيع فريد عبد الوهاب
وهو يستضيف الفنان المبدع محمد ميرغني
تغني محمد ميرغني باغنية »ارجوك يا نسيم روح ليه«
وطرب شاخور الذي كان يحب الحقيبة ويتمتع بصوت جميل
باداء محمد ميرغني واشاد به ،
وعندما علم بهلالية محمد ميرغني في نفس اللقاء تحول 180 درجة
وقال للحاضرين ده غنا ده
شوف الزول ده صاري وشه وبيرفس كيف ؟
2 ـ كان تاجر عيش مشهور وبما انه انصاري ومن ودنوباوي
كان السيد الصديق المهدي يكلفه ببيع انتاج العيش
ويتحدث معه بالتلفون كثيرا استلمنا كم ووردنا للبنك كم
وظنت حكومة عبود بعد مراقبة تلفونه انه يمول المعارضة
فاعتقل مع الزعماء الازهري وعبد الخالق والمحجوب ومبارك زروق
وارسلوا لجوبا حفيده نهاد شاخور .
قال عندما اعتقل بواسطة الكومر والبوليس
كان منزعج جدا وبعد ذهبوا لمنزل عبد الله خليل
فوجده لابس ومحضر شنطة »هاندباك« قال زي الماشي تمرين كوره ،
في المعتقل الزعيم الازهري قال ليه انت ما عندك ذنب
ولكن طالما جيت معانا تناضل معانا علشان نقلب الحكومة
هو طبعا باله في المريخ قال ليه نقلبها »باكورد«
فعلم الازهري ان فكره كوره وبعيد عن السياسة
3 ـ ذهب المريخ في رحلة رياضية بدعوة من نادي النصر
ورئيسه الامير عبد الرحمن بن سعود وشاخور رئيس البعثة
ومولانا احمد حسب الرسول من الاتحاد
ومعلوم الغيرة بين نادي النصر والهلال السعودي
الامير عبد الرحمن رفض ان يلعب المريخ مع الهلال السعودي
ووافق المريخ علي ذلك وانبسط الامير
واخذ البعثة وعلي رأسها شاخور وذهب بهم الي المسجد
الذي شيده وقال لشاخور شايف ما في هلال في المئذنة فقط شعار النصر
وخزنها شاخور وعند العودة وعندما ارادوا بناء مسجد المريخ
قال ليهم عايزين فتوى لوضع الهلال على المئذنة
اذا كان لا بد من ذلك نلغي فكرة بناء الجامع .
4 ـ طلب منه ناس النادي دعم لاعب العاب القوى
وقتها المرحوم حسن جبريل لانه رفع 150 كيلو جرام
قال ليهم والله لو رفع النادي ما بدخلها في الهلال لن ادعمه .
وكذلك عندما عبر كيجاب المانش قال ليهم
ما بهز شبكة الهلال ما عنده طريقة
وعندما هزم السباح ممدوح مصطفى من الهلال كيجاب سباح المريخ
واعتذر كيجاب بانه عضه كلب قال ليهم
وهو زعلان اصله سبح في البحر ولا في السلخانة .
5 ـ وعندما ضربت الطائرات الليبية الاذاعة ومنزل الصادق المهدي
قال الطيارات دي ما شافت استاد الهلال
رمت قنبلة في السنتر مش كانت ريحتنا .
6 ـ علم ان ابن اخيه الدنقل اصبح هلاليا فارسل اليه وسأله
هل انت صحي هلالابي فقال له نعم
وهنا قال شاخور طيب ما احسن تبقى كافر فد مرة .
7 ـ في الحكومة الائتلافية بين حزب الامة والاتحادي الديمقراطي وبقية الاحزاب رفعت الحكومة سعر السكر
وخرجت مظاهرات الطلاب مستنكرة الزيادة
واخرج الاتحاد الديمقراطي بيانا يرفض الزيادة بالتضامن مع الطلاب
وهنا قال شاخور »ناس الاتحادي ديل لاعبين في فريقنا ويشوتوا في قونا« .
8 ـ عندما خاض الهلال في عام 1987م المعارك الافريقية في كاس افريقيا
وكلما يهزم فريق يذهب المريخاب شفقانين ويقولوا لي شاخور
الهلال ده لو جاب كاس افريقيا وهو بالطبع احسن من كاسنا
ما حيخلونا نقعد في البلد يقول لهم اصبروا .
اجتاز الهلال يوفنتوس وكانون ياوندي وهم يقول لهم اصبروا
ولما وصل في النهائي مع الاهلي المصري قال ليهم »
الهلال يا دوب طار ما حيقدر على المصريين ديل
ربنا سبحانه وتعالى لما رسل موسى لم يقدر عليهم
وطلب دعمه باخيه هارون يعني رسولين وعصايه ما قدروا عليهم
يقدر عليهم الهلال« وفعلا جاء لاراش الحكم وكان ما كان.
9 ـ المريخ كان لاعب مع فريق اجنبي وكان جالس معاه واحد هلالابي
مجامل تمنى ان يهزم المريخ الفريق الاجنبي
فقال له انت ما هلالابي
كدي خلينا نسأل اخونا بدر عبد الخالق الداخل علينا ده .
بدر عبد الخالق قال لي عايز رأيي ولا امنيتي
قال ليه امنيتك بدر قال ليه
اتمنى ان احضر للماتش متأخر 5 دقايق
القي المريخ ماخد خمسة وكمال عبد الوهاب وبشارة طلعوهم معوقين .
10 ـ زاره صديق بالمنزل ولاحظ انه لابس شبشب لبني قال ليه »
لابس شبشب كحلي يا شاخور« قال ليه »اي لكن عافصه«.
11 ـ فريق ودنوباوي لعب ضد المريخ وهزمه واحد صفر
وكان وقتها ود نوباوي مزاحم الزهرة في الهبوط للدرجة الثانية
ومعروف ان معتصم ابو جميل زهراوي ،
ابو جميل حرش مشجعين قاموا بمظاهرة حتى منزل شاخور
وهي تردد »النجمة تحت الجزمة«
وخرج اليهم شاخور وعاد وقال للجماعة
الغريبة كلهم لابسين سفنجات وواحدين حفايه .
شدد شاخور على الفريق وهزم ودنوباوي في الدورة الثانية
هزيمة كبيرة نزل بعدها للدرجة الثانية
وبقيت الزهرة بالدرجة الاولى .
12 ـ توفيق دكه يرحمه الله تسجل بالمريخ وكانوا لا يلعبونه ولا يوضع في الاحتياطي فاحتج وطالب بشطبه من شاخور . شاخور قال ليه : ادينا كداراتنا وامشي ـ عوقت لينا لاعبينا بي كرعيك الشتر ديل.
بعض انجازاتة
انجازاتة كثيرة مع المريخ
ولكن اهمها هو وفي اواخر الخمسينيات وتحديدا في الاعوام 57/1958م
شعر وزير الاعلام والرياضة اللواء طلعت باهمية البنيات التحتية
وذلك استهدافا لتطور الرياضة فمنح المريخ دارا
في منطقة المسجد الحالى وقام عبد الرحمن شاخور بدفع الرسوم كاملة
وتم تسجيلها باسم المريخ
وفاتة
هذا الرجل العظيم ودعته جماهير المريخ قبل وفاته
في مهرجان بالاستاد ادخل العربة وطافت به في الاستاد
وهو يلوح للجماهير والجماهير تلوح له
والدموع تنهمر لهذا المشهد من الجميع
وتوفى بعدها بمدة بسيطة وظلت صورته محفورة في اذهان الرياضيين
مريخاب واهلة وكل الوان الطيف الرياضي ..
الا رحمه الله واسكنه فسيح جناته .
عصام همت- عدد الرسائل : 1840
تاريخ التسجيل : 13/06/2008
رد: ما أروعــــــــــك يا مريـــــــــــخ ...قــــــــول للزمان ارجع يا زمن
عصام همت السبت 06 أكتوبر 2012, 8:37 am
عصام همت- عدد الرسائل : 1840
تاريخ التسجيل : 13/06/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى